Дасгал хөдөлгөөний ач тус

Дасгал хөдөлгөөн хийхийн ач тус:Бүх насны хүмүүс өөрийн амьдрах хугацаандаа тогтмол биеийн хөдөлгөөн хийж байдаг. Хөдөлгөөн нь хүний амьдралын маш чухал зүйлийн нэг бөгөөд хүн зорилготойгоор хөдөлгөөнөө идэвхжүүлдэг- Хашаа хороо, зам талбай цэвэрлэх, ногоо тарьж арчлах зэрэг нь бүгд идэвхтэй хөдөлгөөн болдог.
Харин орчин үед хүмүүсийн ахуй амьдралд автомат ажиллагаатай, хөдөлмөр хөнгөвчилсөн олон төрлийн багаж төхөөрөмж нэвтэрснээр өдөр тутам хийж байдаг идэвхтэй хөдөлгөөн эрс багассан байна. Ихэвчлэн суугаа ажилтай байдаг албан хаагчид нь цахилгаан шат хэрэглэхгүйгoэр шатаар өгсөх, хэн нэгнийг утсаар бус очиж дуудах зэрэг энгийн үйлдлүүд нь хөдөлгөөний идэвхтэй байдлаа хадгалахад ихтустай юм.
Дасгал гэдэг нь эрүүл чийрэг, зөв галбиртай болох, түүнийгээ хадгалж байхын тулд тодорхой үйлдлийг зорилготой, төлөвлөгөөтэй , олон давталттай, эрэмбэ дараалалтай хийдэг хөдөлгөөний цэгцтэй жор юм. Дасгал хөдөлгөөн нь хүний бие махбодын илч зарцуулалтыг сайжруулж, бодисын солилцоог эрчимжүүлснээр биед хуримтлагдах хортой бодисоос чөлөөлхөд ач холбогдолтой. Тухайлбал ажилдаа явах ба гэртээ харихдаа өдөр бур явган алхах, эсвэл зөөлөн шогшиж гүйх нь дасгал хөдөлгеөний нэг хэлбэр юм. Зарим хүмүус чөлөөт цаггүй, бололцоо муутай, мэдлэггүй, дадал хэвшилгүй зэрэг шалтгааны улмаас дасгал хийдэггүй эсвэл дасгал хөдөлгөөн хийх сонирхолгүй байдаг. Энэхүү хандлага нь хүмүүсийг хөдөлгөөний хомсдолд хүргэдэг байна.
Хөдөлгөөний дутагдал дэлхийн өвчлөлийн тэргүүлэх дөрөв дэх эрсдэлт хүчин зүйл бөгөөд дэлхий даяарх үхлийн 6%-ийг эзэлж байна. Түүгээр ч үл барам хөдөлгөөний дутагдал нь хөхний болон бүдүүн гэдэсний хорт хавдрын гол шалтгааны 21-25%, чихрийн шижингийн 30 %, зүрхний ишемийн өвчин үүсгэхэд 30% эзэлдэг бөгөөд мөн артерийн даралт ихдэх евчин, ясны сийрэгжил, уе мөчний өвчнүүдийн гол шалтгаан болж байна.Үүнээс гадна зохисгүй хооллолт, буруу зуршилаас гадна хөдөлгөөний идэвхтэй байдаг хэдий ч удаан хугацаагаар суугаа ажил эрхлэх нь эдгээр өвлөлийн шалтгаан болж байна.
Иймээс тогтмол хөдөлгөөнтэй байх нь эрүүл мэндийг сайжруулах, өвчлөх, цаг бусаар эндэх эрсдэлийг бууруулах ач холбогдолтойгоос гадна физиологийн төдийгүй хувь хүний сэтгэл зүйд эерэг нөлөөг үзүүлдэг.
Хөдөлгөөн хүний сэтгэл зүйд эерэгээр нөлөөлж улмаар зүрхний үйл ажиллагаа, цусны эргэлтийг сайжруулж, зүрхний цусан хангамжийг нэмэгдүүлэн эргэлдэх цусны хэмжээг нэмэгдүүлдэг бол нөгеө талаас триглицерид болон нийт холестриний хэмжээг бууруулдаг. Түүнчлэн сэтгэх, анхаарлаа төвлөрүүлэх чадвар, өөрөө өөрийгөе хүндлэх, өөртөө итгэх итгэл нэмэгдэж, гутрал ба хямралд өртөх эрсдэл нь багасдаг байна.
Тогтмол хөдөлгөөний ач холбогдол нь:
– Тулгуур хөдөлгөөний эрхтэн тогтолцооны хөгжлийг дэмжих
– Биеийн жинг хэвийн байлгах
– Эрч хучтэй, эрүүл чийрэг болгох, хэт ядрахаас сэргийлэх
– Цусан дахь нийт холестрин, триглицеридыг бууруулах
– Артерийн даралт ихсэх эрсдэлээс сэргийлэх, даралт бууруулах
– чихрийн шижин өвчний Н-р хэлбэр, зүрхний титэм ёудасны өвчин, шигдээс,
бүдүүн гэдэсний хорт хавдараар өвчлөхөөс сэргийлэх
– Сэтгэл гутрал, бухимдал зэрэг сэтгэцийн хямралд өртөх эрсдэлийг бууруулж,
сэтгэл зүйн өөдрөг, сэргэлэн цовоо, идэвхтэй байдлыг бүрдүүлэх
– Булчингийн хүч тэсвэрийг сайжруулах
– Булчин үе мөчийг уян болгох
– Хоол боловсруулах үйл ажиллагааг сайжруулах
Гэмтэлээс сэргийлэх
– Биеийн дархлаагсайжруулах
– Нас баралтын эрсдэлийг бууруулах
o Дасгал хөдөлгөөний үр дүнд эд эс хүчилтерөгчөөр баяжина, бодисын солилцоо сайжирч, цусны эргэлт идэвхжинэ, булчин чанга, уян хатан, хүч чадалтай, үе мөчний хөдөлгөөн чөлөөтэй болно. Мөн хоолны дуршил нэмэгдэх, өдрийн ажил, амьдралын ядаргааг арилгах. нойр гүн болох, гэдэсний гүрвэлзэх хөдөлгөөн сайжрах, мэс заслын шарх амархан эдгэх г.м таш олон сайн талтай
o Бодисын солилцоо 30 наснаас хойш 10 жил тутам 10%-иар буурч, 35
наснаас мэдрэлийн эсөдөрт 10-13 мянган ширхэгээр үхдэг. Харин 10 м/мин хурдтай Зкм явган явахад бодисын солилцоо 3-4 дахин нэмэгдэж, мэдрэлийн эсийн хорогдол 3 дахин багасдаг.
o Нэг өдөр сонин уншихгүй бол соёлоос 1000 өдөр хоцрохтой адил 1 өдөр дасгал хийхгүй бол нэг өдрөөр хөгширнө
Үүнээс үзэхэд та зөвхөн тогтмол дасгал хөдөлгөөн хийснээр маш олон халдварт бус өвчлөлөөс урьдчилан сэргийлээд зогсохгүй танаас юу ч шаардахгүйгээр таныг эрүул байлгаж чадах энгийн бегөөд өндөр үр дүнтэй арга билээ.
Дашрамд дурьдахад хүн хөгширч үхдэггүй хөшиж үхдэг гэдэг үгийг байнга санаж өдөрт ядаж 30 хан минутыг өөртөө зориулаарай